1. Kəман бабучӽ Лукерья љи вайма ԓалэӄзуин зинк. 2. Чʼинəӄ миԓ əӈӄа иԓӄзунэн. 3. И музаʼн əнчпӄууʼм њэњэкэʼњч. 4. На водерэн музаʼн чʼэԓитӄууʼм зинк, а музаʼн љи пəлӄ нтʼваймантоӄзуск. 5. Итʼэ нткʼоԓатэск зинк, на ӄузэӄууʼм музаʼн кэлки. 6. Вунэ лэм ваймантоӄзуин. 7. Музаʼн нтскљављатӄзуск, нтваймантоӄзук, нтʼмаԓӄук. 8. Нтчилӄуӈэʼн сљэӈуʼњч, и миԓ тӽəлноан тнаӄоʼл, эфкэʼн, əӈӄа нтԓӄунзинӽал. 9. Миԓ нтскӄуʼн љи чʼинəӄ. 10. Бабучӽ љи чʼинəӄ кəрвэљатӄуин, уʼэʼн, цвэткаʼњч и уњэњаʼњч чэԓӄунэʼн кəрвəљатки. 11. На љи ныӄа əнсԓатэзнэн чай, и музаʼн љи чʼинəӄ кчайаӄуки и нтʼылӄун кəлхʼин сок. 12. Ӽаԓч атноӈ крайтӄуки, бабучӽ љи ӄэчиӄ спасибаӄзузнэн миԓ зиʼннынзунԓэс. 13. Спасибо кнанк, кəман чʼинəӈлаӽ бабучӽ Лукерья, кма водерэн кза тʼəнтхэԓӄааԓин тскӄаԓчэн миԓ əӈӄаԓ кма əнчпӄуум.